Еліміздегі балалар колониялары бұдан былай ІІМ-ге емес, білім және ғылым министрлігіне қарайтын болады. Қылмыстық атқарушылық жүйені модернизациялау аясында осындай өзгеріс енгізу жоспарланған, деп хабарлайды .
Енді кәмелеттік жасқа толмаған балалардың тәртібіне Ерлан Сағадиев басқаратын ведомство жауапты болмақ. Ал темір торға тоғытылғандардың денсаулығын денсаулық сақтау министрлігі қадағалайды.
Сонымен қатар, сенаттағы отырыста Қалмұхамбет Қасымов қылмыскерлерге әдеттегідей 6 режим бойынша емес, 5 режим бойынша сотта үкім шығарылу керектігін атап өтті, яғни, максималды қатаң және аса қауіпті режимдер бір деңгейде болады. Бұл өз кезегінде колониялардың санын азайтуға сеп болмақ.
Қазіргі таңда 4 колония жабылып, одан үнемделген ақша саладағы қызметкерлердің ақшасын көбейтуге жұмсау көзделіп отыр.
