Балалар мен жасөспірімдерді ғаламтордағы теріс ақпараттан қорғау бағытында жағымсыз контенттен таза, тәрбиелік мәні бар, ең бастысы қауіпсіз 3 жарым мыңнан аса сайт арнайы іріктеуден өтті, деп хабарлайды khabar.kz.
Бұл "Ақ сайттар тізімі" жобасын Қазақстан президентінің "Болашақ" стипендиаттары қауымдастығы таныстырды. Сайттардың 3 мыңы шетелдік ақпарат ресурсы болса, 500-ден астамы –отандық портал.
Баланың танымдық, психологиялық және физикалық дамуына бағытталған сайттар тақырып бойынша да топтастырылған. Мазмұны жағынан білім мен ғылым, мәдениет пен өнер, қоғам мен табиғат және ойын-сауық бөлімдерін қамтиды.
Ғаламторды кәмелетке толмағандар үшін қауіпсіз етудің тиімді жүйесі – URL сүзгі арқылы қажетті сайттар тізімін қалыптастыру. Сондай-ақ ақпарат және комуникациялар министрлігі пен байланыс операторлары арсында бірлесе жұмыс атқару жөніндегі меморандумға қол қойылды.
