Балқаш станциясының тұрғыны елді мекеннің рұқсат етілмеген қоқысқа толып кеткенін айтып шағымданған. Тұрғынның өтініші бойынша, Экология департаменті мен "Балқаш қаласының жер қатынастары, сәулет және қала құрылысы бөлімі", "Балқаш қаласының полиция бөлімі" мемлекеттік мекемесі және мердігер "DDjol" ЖШС Балқаш кентінің аумағына тексеріс жасады.
Оқиға орнында қоғамдық тамақтандыру қалдықтары мен жарамсыз дөңгелектерді белгіленбеген жерде үйіліп жатқаны анықталды.
Экология Департаментінің хабарлауынша жол бойындағы дәмхана мен көлік дөңгелегі дүкендерінің иелеріне ӘҚБтК-нің 505-бабының 1-бөлігімен әкімшілік айыппұл салынған. Сондай - ақ қоқысты белгіленген мерзімге дейін жинап, қоқыс алаңына апаруға тапсырма берілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
