Балқаш қаласында мырыш зауытын қайта құру жоспарлануда. Жоба кәсіпкерлік бөлімі мен "Kazakhmys Progress" ЖШС қоғамдық тыңдауларында мақұлданды, деп хабарлайды өңір әкімінің баспасөз қызметі.
Жаңа өндірісте төмен сұрыпты мыс концентраттарын қайта өңдеу, катодты мыс шығаруды ұлғайту, мыстың тікелей алынуын арттыру, ілеспе өнімдерден (мырыш пен қорғасыннан) қосымша пайда алу көзделеді. Ол үшін консервацияда тұрған мырыш зауытының гидрометаллургиялық жабдықтары қолданылады.
"Нашар" шикізатты өңдеу үшін мысты автоклавты шаймалау әдісі қолданылады. Нәтижесінде жылына 19 мың тонна мырыш концентраты және жылына 21 мың тонна қорғасын концентраты алынады. Одан әрі өңдеу үшін концентраттарды: мыс-сульфидті, алтын мен күмісті алуға болады.
Экологиялық зерттеулер көрсеткендей, бұл жобаны жүзеге асыру КТҚ-ның қазіргі ластану деңгейінің айтарлықтай өзгеруіне әкелмейді.
Қосымша 700 жұмыс орны ашылады. Оның 120-ы – инженерлік-техникалық мамандықтар. Қалғандары – аппаратшы-гидрометаллургтар, флотаторлар, механиктер, электриктер және басқа да жұмысшы мамандықтар.
