Соңғы

Балушкин ісі: Демалыс базаларын сотқа дейінгі тәркілеу туралы қолдаухат сотқа жолданды

18.07.22, 10:47 1028

11 шілдеде БИПЭК компаниялар тобының акционері, бүгінде "халықаралық іздеудегі" Анатолий Балушкинге қатысты іс бойынша прокуратура 77 жылжымайтын мүлікті (оның ішінде "Рахман қайнары", "Нұртау" және "Порт Фортуна" демалыс базаларын), сондай-ақ 1 мың бірлік жылжымалы мүлікті сотқа дейін тәркілеу туралы қолдаухатты сотқа жолдады.

Балушкин ісі: Демалыс базаларын сотқа дейінгі тәркілеу туралы қолдаухат сотқа жолданды

Бұл туралы Экономикалық ресурстардың заңсыз шоғырлануына қарсы іс-қимыл мәселелері жөніндегі комиссия хабарлады, деп жазады inbusiness.kz тілшісі.

Айта кетейік, 5 маусымда Президенттің Жарлығымен Экономикалық ресурстардың заңсыз шоғырлануына қарсы іс-қимыл мәселелері жөніндегі комиссия құрылғаны белгілі.

Комиссия құрамына құқық қорғау, арнаулы және бірқатар орталық атқарушы органдардың, Ұлттық Банктің, Қаржы нарығын реттеу және дамыту агенттігінің және "Самұрық-Қазына" ҰӘҚ-ның бірінші басшылары кіреді.