30 мамыр күні тәртіп сақшылары Зайсан көліннің жағасында қайықтан автокөлігіне балық тиеп жатқан ер азаматты ұстап алды, деп хабарлайды altaynews.kz.
Анықталғандай, заңсыз балық аулаушы үш қап көксерке, шортан және басқа да ірі балықтарды аулаған. Табиғат қорғау ведомствосы инспекторларының айтуынша, табиғатқа 500 мың теңге залал келтіріпті.
"Ұсталған азамат ҚР ҚК 335 бабы 2-тармағының 3-бөлігі бойынша жауапқа тартылады. Қылмыстық іс Тарбағатай аудандық ІІБ-не процессуалдық шешім қабылдау үшін жіберілді. Енді тәртіп бұзушыға 2 мың АЕК (5 млн теңгеден астам) көлемінде айыппұл салынады", – деп мәлімдеді ШҚО табиғи ресурстар және табиғат пайдалануды реттеу басқармасының баспасөз қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
