АОК Бас ассамблеясының жұмысы барысында Ұлттық олимпиада комитетінің (ХОК) 45 көшбасшысы, сондай-ақ АОК және Халықаралық Олимпиада комитетінің өкілдері АОК қызметі, сондай-ақ АОК жобалары сияқты Азия Олимпиадалық қозғалысының өзекті мәселелерін қарайтын болады.
Күн тәртібіндегі басты мәселелердің бірі – АОК Президенті мен атқару комитетінің мүшелерін сайлау.
Сондай-ақ қатысушыларға Ханчжоу-2022 Жазғы Азия ойындары мен Бангкок-2021 жабық ғимараттардағы ойындар және жекпе-жек өнерін ұйымдастыру комитеттерінің биылғы жылы өтетін жарыстарға дайындық барысы туралы есептер ұсынылады.
АОК Бас ассамблеясында Қазақстан делегациясын ҚР Ұлттық Олимпиада комитеті (NOC Kazakhstan) бастап барады.
Азия Олимпиада кеңесі – Халықаралық Олимпиада комитеті (ХОК) мойындаған Ұлттық Олимпиада комитеттерінің бес континенттік бірлестіктерінің бірі, қазіргі уақытта 45 мемлекетті біріктіретін Азия елдеріндегі Олимпиада қозғалысының басқарушы органы. Ұйым АОК-ға мүше елдердегі Олимпиадалық қозғалыстарды үйлестіріп, басқарып отырады, үнемі жазғы және қысқы Азия ойындарын, жағажай спорт ойындарын және жабық ғимараттағы ойындарды өткізеді. АОК Азия және өңірлік ойындарды, сондай-ақ халықаралық жарыстарды өткізуге жәрдемдесумен қатар, оның мүшелері мен тиісті тараптарда туындауы мүмкін мәселелер мен дауларды шешуде уәкілетті орган болып табылады. АОК-тың штаб-пәтері Кувейтте орналасқан.
