Бангладеш астанасы Даккада көпқабатты тұрғын үй өртеніп, 81 адам қаза тапты, ал 50-ден астамы жарақат алған, деп хабарлайды Интерфакс – Қазақстан шетелдік БАҚ-қа сілтемемен.
Билік тілсіз жау құрбандарының саны бұдан да көп болуы мүмкін екенін айтады.
Алдын ала болжам бойынша, пәтерлердің бірінде газ баллоны жарылған. Өрттің жылдам таралуына ғимараттың бір бөлігін алып жатқан тұрмыстық химиялық заттар қоймасы да себеп болған. Лаулаған жалын көрші үйлерді де шарпыған, бұл ғимараттарда да химиялық заттар қоймасы болған екен.
Қаза тапқандардың арасында жақын маңдағы кафе мен мейрамханаларға келгендер де бар.
Тілсіз жаумен күреске 200-ден астам өрт сөндіруші жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
