Ерте ме, кеш пе әлем экономикасында доллардың үстемдік етуі аяқталады. Бұл пікірді Bank of America Merrill Lynch компаниясының Ресей бойынша бас маманы Владимир Осаковский білдірді, деп хабарлады Lenta.ru-ға сілтеп ҚазАқпарат.
"Егер тарихқа үңілсек, бұрын жаһандық валюта фунт стерлинг болған. Оны ығыстырып жіберді. Доллармен де бір күні мүмкін осындай жағдай болады", - деп атап өтті сарапшы. Оның бағалауынша, бұл АҚШ-тың әлемдік экономикадағы үлесі "табиғи түрде" қысқарған кезде болады", - деді Осаковский.
"Бұл апатты жағдайға алып келеді ме? Факті емес. Бірақ күндердің-күнінде бұл болады", - деді ол. Ол сондай-ақ Құрама штаттардың қарызы абсолютті мәнде өте үлкен екендігін атап өтті - 16-18 триллион доллар. Бұл ретте қарызы одан жоғары елдер де бар. "Мысалы Жапония. Оның қарызы АҚШ-пен салыстырғанда, екі есеге көп", - деп пікірін білдірді экономист Америкада қарыз дағдарысы болуы ықтималдығына қатысты пікір білдіре келе.
