ҚР ҚМ МКК төрағасының орынбасары Сейілжан Ахметовтің айтуынша, түзетулер қаржы басқарушысының да қызметіне қатысты, деп жазады inbusiness.kz сайты.
"Атап айтқанда, енді уәкілетті орган оны тағайындап қана қоймай, қызметін дұрыс орындамаған жайдайда оны істен шеттете алады", – деді спикер.
Сондай-ақ қаржы басқарушысының өз сыйақысын алудағы құқықтарын қорғайтын түзетулер көзделген, соттан тыс банкроттық рәсімін қолдану үшін жұбайының келісімінің қажеттілігі орнатылды, борышкердің кредиторды соттан тыс банкроттық рәсімін қолдану туралы ескерту міндеті алынып тасталды.
"Банкроттықтың қандай салдары бар? Ссот және соттан тыс банкроттықты қолданатындар банктер мен микроқаржы ұйымдарынан бес жыл бойы несие ала алмайды; жеті жылдан кейін ғана банкроттықты туралы қайта өтініш бере алады; олардың қаржылық жағдайы банкроттықтан кейін үш жыл бойы тексеріледі", – деді Қаржы министрлігінің өкілі.
