Биылғы жылдың басында өндіріс пен ауыл шаруашылығы өнімдерін қайта өңдеу саласына берілген несиелер көлемі 376,4 млрд теңгеге жетті. Бұл бір жыл бұрынғы көрсеткіштермен салыстырғанда 9,6%-ға жоғары, деп хабарлады Ranking.kz.
Өңірлер бойынша ең көп қарыз Алматы (177,7 млрд теңге, ҚР бойынша 47,2%), Қостанай облысы (41 млрд теңге, ҚР бойынша 10,9%), Нұр-Сұлтан (34,5 млрд теңге, ҚР бойынша 9,2%), Шымкент (29 млрд теңге, 7,7%) және ШҚО-да (15,9 млрд теңге, 4,2%).
Аталған сектор дамып келеді. Сондықтан банктер де көбірек несие бере бастады. Осылайша өндіріс пен ауыл шаруашылығы өнімдерін қайта өңдеу саласына ұсынылған қарыз экономикадағы жалпы несиелердің 2,7%-ын құрады. Бір жыл бұрын бұл көрсеткіш 2,6% болатын. Ал жалпы өндіріс саласына берілген несиелер көлемі 19,9%-ға жетті. 2018 жылы 17%-ға тұрақтаған.
Бұл ретте банктердің азық-түлік және сусындар өндірісі саласына бөлген қарызы 376,3 млрд теңгеге жетті.
Ал жалпы 2019 жылы азық-түлік өнімдерін шығару көлемі 1,63 трлн теңгені құрады. Бір жыл бұрын бұл көрсеткіш 1,56 трлн теңге болатын. Аталған салада Алматы облысы, Алматы қаласы, Қостанай облысы көш бастап тұр.
