2021 жылы Қазақстандағы екінші деңгейлі банктерде салымдар айтарлықтай өскен, деп хабарлайды inbusiness.kz порталы finprom.kz-ке сілтеме жасап.
Өткен жылы жиынтық депозиттік портфель 20,7%-ға өсіп, 26 трлн теңге болды. Мұнда корпоративтік салымдар бір жылда 18,5% немесе 12,6 трлн теңге, бөлшек сегментте 22,8% немесе 13,4 трлн теңгеге дейін өскен.
Елде 10 ірі банк үздік нәтиже көрсеткен, жалпы сектор бойынша 22 екінші деңгейлі банктің 21-сі.
Саладағы абсолют көшбасшы – Отбасы банкі. Қаржы институты салымдарды бір жылда 73%-ға ұлғайтып, 1,9 трлн теңге жинаған.
Екінші орында Jusan Bank тұр (бір жылда плюс 59,7%, 1,5 трлн теңге). Өткен жылы қаржы институты үздік ондықтағы АТФБанкін өзіне қосып алған еді.
Үшінші орында корпоративтік сегментте жұмыс істейтін "америкалық" Citibank Kazakhstan тұр (бір жылда плюс 30,1%, 900,4 млрд теңге).
Өткен жылдың қорытындысы бойынша сектордағы салымдардың өсуі халықтың салымдарымен қамтамасыз етілген. Алайда қазақстандықтар қарапайым депозиттерге аз қызығушылық таныта бастаған.
Дәурен Ерболат
