Бразилияда банкті тонау кезінде болған атыстан 12 адам көз жұмды, деп хабарлайды 24.kz.
Қаза тапқандардың біреуі қарақшы, қалғаны кепілдікке алынған отбасы мен полицейлер. Оқиға елдің солтүстік-шығысындағы Милагрес қалашығында болды. Қарулы топ банкті тонау кезінде 5 адамнан тұратын бір отбасын кепілдікке алған. Олардың арасында 2 бала болады. Содан кейін оқиға орнына келген полицейлерге оқ жаудырып, қақтығысқа түскен. 20 минутқа созылған атыс кезінде қылмыскерлер кепілдіктегі барлық адамды өлтірген. Сондай-ақ ғимарат маңында өтіп бара жатқан бірнеше тұрғын жарақат алды. Бір қарақшының көзі жойылған. Бірақ қалған қылмыскерлер ақшаны ала алмай, 2 көлікке отырып қашқан. Қазір олар іздестіріліп жатыр. Ақпарат құралдарының хабарлауынша, қарулы топпен байланысты 2 күдікті қолға түскен.
