Ұлттық банк 18 ақпаннан бастап 7 күндік қайтару мерзімі бар депозиттік аукциондарды өткізе бастайды, сондай-ақ 7 күндік қысқа мерзімді ноттардың аукционын өткізуді тоқтатады, деп хабарлайды бас банктің баспасөз қызметі.
Депозиттік аукционды бастаумен тұрақты қолжетімділік операцияларының шеңберінде 7 күндік депозиттерді тарту да тоқтатылады.
Бұл өзгерістер Ұлттық банктің ақша-кредит саясатының трансмиссиялық тетігінің пайыздық арнасының тиімділігін арттыруға бағытталған.
Депозиттік аукциондар ақша-кредит саясатын іске асыру шеңберінде Ұлттық банктің аукциондарды өткізу қағидаларына сәйкес өтеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
