"Астана" командасының бас бапкері Станимир Стоилов Gong.bg сайтына өз командасының чемпиондары лигасы мен Еуропа лигасында соңғы жылдары қандай жетістіктерге қол жеткізгендігі жөнінде баяндап берді. Бапкердің сөзінше, команданың жетістіктері оның қаржылық жағдайына айтарлықтай оң әсер еткен, деп хабарлайды ҚазАқпарат.
"Алғашқы чемпиондық титул ең күрделісі болды. Өйткені біз ол кезде айтарлықтай кейіндіп қалдық, оның үстіне бұл біздің команданы жаңадан құра бастаған кезіміз болатын. Біз өзіміздің әрекеттеріміздің дұрыстығына барлығының көзін жеткізуіміз қажет болған. Сөйтіп, командамыз ақырындап өсе бастады. Біздің деңгейіміздің жоғары екендігінің айғақтарының бірі - еурокубоктарға жиі қатыса бастауымыз. "Астана" командасы Еуропада өнер көрсете жүріп, мол табыс тапты. Біз жап-жақсы бизнесменге айналдық, бас бапкер тек бапкер ғана емес, мықты бизнесмен де болуы керек. Еурокубоктардағы өнері үшін "Астана" командасы 40 млн еуро алды",-деп атап өтті Стоилов.
Оның сөзінше, бұған демеу болып отырған басты мәселелердің бірі әрбір футболшының өзін-өзі дамытуға деген ынтасы, ниеті.
