Денсаулық сақтау вице-министрі, бас мемлекеттік санитар дәрігер Ерлан Қиясов қазақстандықтарға пандемия кезінде наурызды қалай атап өтуге болатыны туралы айтты, деп хабарлады inbusiness.kz тілшісі.
"Әр адам жеке денсаулығына мән беруі керек. Сондықтан, біз әсіресе "қызыл", "сары" аймақ тұрғындарына бұқаралық шараларға барынша бармауға кеңес береміз. Мұндай шараларға тұрғындар көп жиналып, ауруды тарату қаупін арттырады", – деді Ерлан Қиясов.
Сонымен қатар, бас санитар дәрігер "жасыл" аймақтағы өңірлерге іс-шараларға адамдардың мейлінше аз жинауға, негізгі іс-шараларды онлайн-режимде өткізуге кеңес берді.
"Аймақтарға нақты ұсыныстарды бердік. Эпидемиологиялық жағдайларға байланысты бас мемлекеттік санитар дәрігерлерге іс-шаралардың ауқымын анықтау құқығын бердік. Сонымен қатар, қоғамдық шараларға барудың қатері жоғары екенін есте ұстау керек", – деді Ерлан Қиясов.
