ҚР Денсаулық сақтау вице-министрі – ҚР Бас мемлекеттік санитар дәрігері Ерлан Қиясовтың жаңа қаулысы шықты, деп хабарлайды inbusiness.kz порталы.
2021 жылдың 25 наурызындағы №12 қаулыға сәйкес:
1) Қазақстан азаматтарының шет елдерде демалысын ұйымдастыру кезінде Қазақстанға COVID-19 вирусының әкелінуінің алдын алу жөнінде қосымша шаралар қабылданады;
2) Қазақстанға шетелден келетін адамдарға қойылатын талаптардың өзгергені туралы туроператорларды хабардар етуі тиіс;
3) Карантинді жеңілдеткен кезде жалпы білім беретін мектептердің жұмысына қойылатын талаптарды сақтауды қамтамасыз етілуі тиіс;
4) Медицина қызметкерлері демалыстан, іссапардан, ауруына байланысты жұмыс орнында болмағанда, медициналық ЖОО-лар мен колледждердің студенттері медициналық ұйымдарда практиканың басталуы алдында 3 тәуліктен аспайтын ПТР әдісімен COVID-19 тестінің теріс нәтижесі бар анықтама беруі тиіс;
5) 2020-2021 оқу жылының төртінші тоқсанында:
– республиканың барлық өңірлерінде:
контингенті 300 оқушыға дейін қалалық және ауылдық мектептерде сыныптағы бала саны 25 адамнан асырмай дәстүрлі форматта оқытуға;
білім беру ұйымы әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқытуға;
– тәуекелі төмен және орташа аймақтардағы (жасыл және сары аймақтар) жалпы білім беретін мектептерде барлық сынып оқушылары үшін (балалар саны 25 адамнан аспайтын) аралас форматта оқытуға;
– тәуекелі жоғары аймақта (қызыл аймақ) орналасқан өңірлерде:
жалпы білім беретін мектептерде 1-5 сынып аралығында, халықаралық мектептерде 1-7 сынып аралығында, мектеп алды сыныптарының оқушылары үшін (сыныптағы балалар саны 25 адамнан аспайтын) аралас форматта оқытуға;
оқу бітіретін сыныптар (9, 11 (12) сыныптар) үшін аптаның 6 күні ішінде: пәндердің 70%-ын штаттық режимде, 30%-ын қашықтықтан аралас форматта оқытуға рұқсат етіледі (сыныптағы оқушының саны 15-тен аспауы керек, "1 сынып – 1 кабинет" қағидаты сақталуы тиіс және маска тағу міндетті).
