Осы уақыттан бастап мемлекеттік реттеудің жаңа нормаларын уәкілетті органдар бәсекелестікке ықпал ету тұрғысынан оларды қолданысқа енгізгенге дейін бағалайды.
Бәсекелестікке әсерді бағалау деп 2 негізгі мақсатқа қол жеткізуге бағытталған реттеушілік актілерді талдау процесі:
- бәсекелестікке кедергі келтіретін қажеттіліксіз нормаларды анықтау;
- мұндай кедергілер ерекше қажеттіліксіз құрылмауы үшін оларды қайта қарауға көмек көрсету.
Бұл тәжірибе халықаралық болып саналады, салалық саясатты оның бәсекелестікке ықтимал әсерін ескере отырып түзетуге мүмкіндік береді.
"Егер бағалау нәтижелері бәсекелес ортаның жай-күйінің нашар мүмкіндігін көрсететін болса, уәкілетті органға бәсекелестікке қарсы неғұрлым аз балама табуға тура келеді. Өз тарапынан Бәсекелестікті қорғау және дамыту агенттігі бәсекелестікке әсерді бағалау нәтижелерін қарайтын және реттеуші мемлекеттік органдардың белгіленген рәсімдерді сақтауы туралы қорытынды береді", - деп жазылған хабарламада.
Бәсекелестікті дамыту жөніндегі заңның басқа да бірқатар норма күшіне енді.
"Бұл негізгі қуатқа тең қолжетімділікті қамтамасыз ету, мемлекеттік қолдау шаралары, кәсіпкерлікке мемлекеттік қатысуды қысқарту, электр энергетикасы мен дәрілік заттар нарықтарындағы бәсекелестікті дамыту, сондай-ақ монополияға қарсы реттеу құралдарын жетілдіру жөніндегі нормалар", - деп жазылған хабарламада.
Айта кетейік, биыл 1 шілдеден бастап мемлекеттік монополия тетігін толықтыратын және жетілдіретін "арнайы құқық" институтын құруды көздейтін Кәсіпкерлік кодексіне өзгерістер күшіне енеді.
2024 жылғы 1 қаңтардан бастап энергиямен жабдықтау қызметтерін көрсетудің бір көзінен сатып алу және кепілдік беретін өнім берушіден электр энергиясын сатып алу-сату негіздемесі алып тасталады. Бұл 2024 жылдан бастап мемлекеттік заңды тұлғалар үшін электр энергиясы мен энергиямен жабдықтау қызметтері конкурс тәсілімен сатып алынатынын білдіреді.
