Үкімет басшысы Қазақстанның Башқұртстанмен сауда-экономика, инвестиция, көлік-логистика, энергетика, агроөнеркәсіптік кешен, өнеркәсіптік кооперация және басқа да салалардағы ынтымақтастығын арттыру үшін елеулі әлеуеттің бар екенін атап өтті.
2021 жылғы қаңтар-шілде айларында Қазақстан мен Башқұртстан арасындағы тауар айналымының көлемі өткен жылдың сәйкес кезеңімен салыстырғанда 20,2% өсіп, шамамен $200 млн-ға жетті.
Нұр-Сұлтан мен Уфа қалалары арасында тікелей әуе қатынасын ашу мүмкіндігі де қарастырылып жатыр.
Айта кетейік, Радий Хабировтың Қазақстанға сапары аясында ҚР Президенті Қасым-Жомарт Тоқаевпен, Парламент Сенатының төрағасы Мәулен Әшімбаевпен, Батыс Қазақстан облысының әкімі Ғали Есқалиевпен кездесуі, Қазақстан-Башқұртстан іскерлік форумына қатысуы, АХҚО және Үкіметтің Цифрлық офисіне баруы жоспарланған.
