DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 280,01 Brent 36,55
Баспана құны 30 пайызға төмендеуі мүмкін

Баспана құны 30 пайызға төмендеуі мүмкін

Ал, билік өкілдерінің жауабы қандай?    

03 Наурыз 2020 22:53 278

Баспана құны 30 пайызға төмендеуі мүмкін

Баспана құны 30 пайызға төмендеуі мүмкін, деп хабарлайды Atameken Business.

Кәсіпкерлер күн сайын шарықтаған бағаны тоқтатудың жолын ұсынды. Айтуларынша қаржының басым бөлігі инженерлік желілерге жұмсалады. Бұл шығынды мемлекет өз мойнына алса, баспана қол жетімді бола түспек.

inbusiness.kz-ті қараңыз, оқыңыз :

Сатушыларға онлайн-кассалық аппараттарды сатып алуға өтемақы беріледі

2019 жылдың 1 қаңтарынан бастап ашық сауда базарларының аумағындағы, стационарлық емес сауда объектілері арқылы қызметті жүзеге асыратын жеке кәсіпкерлер деректерді беру функциясы бар бақылау-кассалық машиналарды қолдануға міндетті.

18 Қазан 2018 11:02 828

Сатушыларға онлайн-кассалық аппараттарды сатып алуға өтемақы беріледі

«Атамекен» кәсіпкерлерге кассалық аппараттарды сатып алу бойынша шығындарды өтеу туралы бастама жасады, деп хабарлайды atameken.kz.

2019 жылдың 1 қаңтарынан бастап ашық сауда базарларының (патент бойынша жұмыс істейтіндерден басқа) аумағындағы, стационарлық емес сауда объектілері арқылы қызметті жүзеге асыратын жеке кәсіпкерлер деректерді беру функциясы бар бақылау-кассалық машиналарды қолдануға міндетті.

«2019 жылдан бастап онлайн-БКМ базарларда сауданы жүзеге асыратын бизнесмендер қолдануға тиіс, ал 2020 жылдан бастап бұл тізімді патент негізінде арнайы салық режимін қолданатын кәсіпкерлер, сондай - ақ шаруа қожалықтары толықтырады», - дейді «Атамекен» ҰКП салық салу департаментінің директоры Жеңіс Жанболатова.

БКМ орнату бойынша талаптар міндетті және шағын бизнес тарапынан шығындарды қарастыратынын ескере отырып, «Атамекен» кәсіпкерлерге кассалық аппараттарды сатып алу бойынша шығындарды өтеу туралы бастама жасады. Ұлттық палатаның ұсыныстары заң жобасында көрініс тапты және келесі жылдан бастап күшіне енеді.

«Қазіргі уақытта Салық кодексіне өзгерістер енгізілген заң жобасы әзірленді. Олар патент және оңайлатылған декларация негізінде АСР бойынша жұмыс істейтін кәсіпкерлердің салық міндеттемелерін 50% - ға, бірақ 60 000 теңгеден аспайтын мөлшерде азайтуды көздейді. Бұл шараның әрекеті 2019 жылдың 1 қаңтарынан бастап 1 жылға қарастырылған», - дейді Жеңіс Жанболатова.

Сонымен қатар 2018 жылдың 1 қазанынан бастап қызмет түрлерінің тізімі кеңейтілді (10-нан 27-ге дейін), оларды жүзеге асыру кезінде ҚР аумағында салық төлеушілер онлайн-БКМ қолдануға міндетті. Оған: автомобильдер мен жеңіл автокөлік құралдарын сату, сусындарды, фармацевтикалық тауарларды көтерме сату, киім сату, ломбардтардың, жылжымайтын мүлікпен жасалатын операциялар бойынша агенттіктердің қызметі, жарнама агенттіктерінің қызметі және т.б. кірді.

Кәсіпкерлер 1 қазаннан бастап онлайн кассалық аппаратқа өтуге тиіс

Алғашқы кезеңде 65 мың бизнесті қамту жоспарланған. Ал 2020 жылға дейін 400 мың кәсіпкерлікті жаңа жүйеге көшіру көзделіп отыр.

27 Қыркүйек 2018 14:58 761

Кәсіпкерлер 1 қазаннан бастап онлайн кассалық аппаратқа өтуге тиіс

Еліміздегі кәсіпкерлер 1 қазаннан бастап ескі кассалық аппараттарын онлайн жүйеге ауыстыруға тиіс, деп хабарлайды Atameken business.

Алғашқы кезеңде 65 мың бизнесті қамту жоспарланған. Ал 2020 жылға дейін 400 мың кәсіпкерлікті жаңа жүйеге көшіру көзделіп отыр.

Қазіргі таңда 27 түрлі бизнес өкілдеріне кассалық құрылғыларын жаңарту міндеттелген. Биыл қызмет көрсету саласы қамтылса, келесі жылдан бастап патентті бизнеске де талап қойылады.

Өкінішке орай, бизнесмендер жаңа аппараттарды сатып алуға үлгермей жатыр. Біріншіден, кеденнен өткізу және жеткізуге, салық орындарына тіркеуге уақыт керек. Оның үстіне аппараттардың бағасы 70-80 мың теңгенің төңірегінде. Оны тез арада сатып алуға орта және шағын бизнестің қалтасы көтере бермейді. Сондықтан, іскер топ өкілдері билік тарапынан уақытты жылжытуды сұрап отыр.

 «Заң бойынша, егер қажет аппаратты қолданбасаңыз, онда  салық өкілдері алдымен ескерту жасап, кейін 15 айлық есептік көрсеткіштеріне айыппұл салады. Бұл 30 мыңнан астам ақша. Енді кәсіпкерлер жүгіріп, аппарат іздеп дүрлігіп жатыр. Сондықтан, біз қаржы министрлігінен 2-3 ай уақыт беріп, айыппұл салмауын сұраймыз», - дейді Республикалық кәсіпкерлерге қызмет көрсету орталығының директоры Дмитрий Казанцев.

Жаңалықтарға жазылу: