Биылғы қаңтар-тамыз аралығында елімізде 10 млн шаршы метр тұрғын үй пайдалануға берілген. Бұл 2022 жылдың тиісті кезеңіне қарағанда 13%-ға көп, деп жазады inbusiness.kz www.energyprom.kz порталына сілтеме жасап.
Тұрғын үйдің 92,3%-ын немесе 9,2 млн шаршы метрді жеке құрылыс салушылар пайдалануға берген.
Өңірлік тұрғыдан қарайтын болсақ, сектордағы ең жоғары өсім Ұлытау облысында тіркелді: +56,7%. Десек те, аймақ үлесіне тек 0,4% немесе 39,7 мың шаршы метр тұрғын үй тиесілі болған. Өсім бойынша үздік бестік қатарында Астана (+39,5%), Абай облысы (+28%), Алматы (+22,5%) және Қызылорда облысы (+19,8%) бар.
Республиканың 20 өңірінің 17-сінде тұрғын үйді пайдалануға беру қарқыны артқаны байқалып отыр. Ал Қарағанды, Маңғыстау және Атырау облыстарында көрсеткіштердің төмендегені тіркелді.
