/img/tv1.svg
RU KZ
Басшылықтан қысым көрген Арқалық дәрігерлерінің ісіне қатысты тергеу жұмыстары басталды

Басшылықтан қысым көрген Арқалық дәрігерлерінің ісіне қатысты тергеу жұмыстары басталды

Анықталғандай, он дәрігер мен бір мейірбике денсаулық сақтау министрлігіне хат жолдаған.  

10 Тамыз 2020 22:57 221

Басшылықтан қысым көрген Арқалық дәрігерлерінің ісіне қатысты тергеу жұмыстары басталды

Арқалық аймақтық ауруханасында бір топ медицина қызметкерлерінің шағымынан кейін тексеріс басталды, деп хабарлайды Atameken Business.

Ақ халаттылар өздерінің құқығының тапталып жатқанын, қит етсе жұмыстан шығасың деген қоқан лоқыдан шаршағандарын айтады. Бұдан бөлек, трансфузиолог дәрігер Жасұлан Жүнісов мемлекет басшысының атына видео үндеу жолдаған.

Елжан Біртанов: Халықтың өмір сүру ұзақтығы 75 жасқа жетеді

Денсаулық сақтау шығындарының үлесі жалпы ішкі өнімнің 5 пайызына жеткізіледі.

19 Желтоқсан 2019 13:27 842

2025 жылға қарай Қазақстанда халықтың өмір сүру ұзақтығы 75 жасқа жетеді. Бұл туралы бүгін Үкімет отырысында ҚР денсаулық сақтау министрі Елжан Біртанов айтты, деп хабарлайды ҚазАқпарат.

«Бағдарламаны жүзеге асыруға 3 триллион 180 млрд теңге бөлу қарастырылған. Елбасы тапсырмасын орындау барысында денсаулық сақтау шығындарының үлесі жалпы ішкі өнімнің 5 пайызына жеткізіледі. Ол үшін алты жылда денсаулық саласына барлық көздерден жалпы 25,8 триллион теңге жұмсалады», – деді 2020-2025 жылдарға арналған денсаулық сақтауды дамыту мемлекеттік бағдарламасының жобасын таныстырған министр.

Оның атап өтуінше, денсаулық саласындағы жалпы шығындар ішінде инвестициялар көлемі 2,8 триллион теңгені құрайды. Жеке инвестициялар үлесі орташа 70 пайызға өседі. Инвестициялардың 43 пайызы ірі мемлекеттік-жекешелік әріптестік жобаларға жұмсалады.

«Бағдарламаны орындау арқылы бір адамның денсаулығына шаққанда шығындар 279 мың теңгеге жетеді. Денсаулық сақтау инфрақұрылымы жаңарады және келесі төрт мақсатты индикаторға қол жеткізіледі. Негізгі созылмалы аурулардан ерте өлім қаупі 20 пайызға, ана өлімі 17 пайызға, нәресте өлімі 19 пайызға төмендейді. Халықтың өмір сүру ұзақтығы 75 жасқа жетеді. Бағдарлама жобасы халықпен, мемлекеттік емес және халықаралық ұйымдармен, барлық мемлекеттік органдармен, Президент Әкімшілігімен келісілген», – деді Елжан Біртанов.

2020 жылы медицинаға 1,6 млрд теңге бөлінеді

Қазақстандықтар медициналық қызмет үшін 100 млрд теңгені қалтасынан төлеген.

25 Қараша 2019 10:26 663

2019 жылдың алғашқы алты айында денсаулық сақтау саласында 628,6 млрд теңгенің қызметі көрсетілген. Оның 481,2 млрд теңгесі бюджет есебінен, 99,1 млрд теңгесі тұрғындардың өз қалтасынан, 48,3 млрд теңгесі кәсіпорын есебінен жұмсалған. 

«9 айдың қорытындысы бойынша, денсаулық сақтау саласына бюджеттен 858,8 млрд теңге бөлінген. Ал былтыр 12 айда 1,2 трлн теңге шығындалған болатын. Бұл жалпы ішкі өнімнің 1,9%-ына тең. Міндетті медициналық сақтандыру жүйесіне 17,9 милион қазақстандықтың қатысуына мүмкіндік бар», – деп жазады Finprom.kz.

Оның ішінде 4,75 миллион адам (25%) жұмыс істейтіндер, 1,07 миллион адам жеке кәсіпкер ретінде тіркелген. Медициналық сақтандыру жарнасын мемлекет төлейтін 9,97 миллион адам бар. Жарнасын мемлекет төлеп отырған тұрғындардың 56,6%-ы балалар болса, 20,1%-ы зейнеткерлер. 

Сайттың жазуына қарағанда, жыл басынан қыркүйек айына дейін міндетті медициналық сақтандыру қорына 217,4 млрд теңге аударылды. 2020 жылы кепілді медициналық көмек пен медициналық  сақтандыруға 1,6 трлн теңге жұмсау жоспарланған.

Есімжан Нақтыбайұлы