"Жыл басынан бері жұмыссыз ретінде тіркеу, жұмысынан айырылуына байланысты әлеуметтік төлем тағайындау және субсидияланатын жұмыс орындарына жолдама беру қызметі электронды еңбек биржасы арқылы толық автоматтандырылды. Осы уақыт ішінде 122 мыңнан астам азамат жоғарыда аталған қызметті онлайн-режимде алды. Оның ішінде 44 мың адам портал арқылы жұмысқа орналасу мүмкіндігіне ие болды және 15 мыңнан астам адам жұмысынан айырылуына байланысты әлеуметтік төлем алды", – деді министр.
Серік Шәпкеновтің сөзінше, 2022 жылы "Бастау бизнес" жобасы бойынша процестерді автоматтандыру, мемлекеттік грант, микрокредит беру, жұмыс орнында және жұмыс берушінің тапсырысы бойынша оқыту жүргізу жоспарланып отыр.
"Бұл жұмыспен қамту саласындағы барлық қолдау шараларын автоматтандыруды 100%-ға дейін жеткізуге мүмкіндік береді", – деді министр.
Қанат Махамбет
