Күдіктілер науқас қыздарды зорлады деп айыпталып отыр.
Полицияға алдымен шизофрениямен ауыратын 17 жастағы қыздың анасы хабарласқан. Ол қызының сондағы қызметкерлерден зорлық көргенін айтқан.
"Соңғы кездері жатып қалатынды шығарды. Не болды дегенімде, ештеңе айтпады. Тек телефон ұстап жата берді. Кейін құсып бастады. Ауырып жүрген шығар деп ойладым. Сосын күдік пайда болды, УЗИ-ге бардық. Басында сенбедім, тағы бір жерге барғанда 10 апта 4 күн деп жазып берді", – дейді анасы.
Дәл осындай жағдайды сол мекемеде емделген 21 жастағы науқас қыз да бастан өткерген.
Шымкент қалалық Полиция департаментінің ресми өкілі Бағлан Исатаева тергеудің жалғасып жатқандығын мәлімдеді.
"Полиция психиатриялық ауруханада зорлау дерегі бойынша қылмыстық іс қозғады. Қазіргі уақытта кешенді тергеу шаралары жүргізілуде. Екі күдікті сот санкциясымен қамауға алынды", – деді ол.
