IBO президенті Эд Левайн кәсіпқой бокшы Батыр Жүкембаевқа жоғары баға беріп, үлкен мүмкіндігі барын айтты, деп хабарлайды vesti.kz.
Оның айтуынша, отандасымыз аты әлемге әйгілі боксшылармен жұдырықтасуға дайын.
"Батыр Жүкембаев – болашағы бар боксшы, ол епті әрі жан-жақты әдіс қолданады. Ол тепе-теңдікті жақсы сақтайды, жылдам, соққысы ауыр. Ол әлемдік таланттармен тайталасуға дайын. Батыр отандасы Геннадий Головкин паш еткен қазақтың жекпе-жектегі тектілігін жалғастырып келеді", – дейді Левайн.
Еске салайық, 25 жастағы Жүкембаев ақпанда өткізген соңғы жекпе-жегінде қарсыласын алғашқы раундта-ақ нокаутпен ұтқан болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
