Конго Демократиялық Республикасында эбола дерті дендеп барады. Ол таралу ауқымы жағынан 2013-2015 жылдары Батыс Африкада етек жайған эпидемиядан кейін екінші тұр, деп хабарлайды 24.kz.
Аса қауіпті бұл індет бір жылда 1 мың 300-ге жуық адамның өмірін қиған. Тағы 2 мыңдай тұрғын осы ауру түрін жұқтырыпты. Оның төрттен бір бөлігін 15 жасқа дейінгі балалар құрап отыр.
Дүниежүзілік денсаулық сақтау ұйымының дерегі бойынша, қатерлі ауруға шалдыққан әрбір 3 баланың екеуі одан көз жұмады екен. Ал ересектер арасындағы өлім көрсеткіші тіпті жоғары. Ол 50 пайыздан асады.
Айта кетейік, эбола дерті Батыс Африкада 2015 жылы басталып, негізінен Гвиней, Сьерра-Леон және Либерия елдерін қамтыған еді. Ал Конго Демократиялық Республикасында бұл індет өткен жылдың тамызында белең алған болатын.
