Украина 2022 жылдың соңына дейін Батыс елдерінен 14 миллиард доллар көлемінде қаражат алады. Бұл туралы Reuters агенттігі елдің бірінші вице-премьері Юлия Свириденкоға сілтеме жасап хабарлайды.
"Украина 12,7 миллиард доллар көлемінде халықаралық бюджеттік көмек алды. Жыл соңына дейін Батыс елдері тағы 14 миллиард бөледі", – деп жазылған агенттіктің хабарламасында.
Агенттіктің дерегінше, күзде Халықаралық валюта қорымен жаңа несие бағдарламасы туралы келіссөздер басталмақ.
Свириденко Украинаның ЖІӨ 2023 жылы тағы да төмендейтінін немесе 2022 жылы 30-35%-ға қысқарғаннан кейін 15,5%-ға өсуі мүмкін екенін айтты.
Бұған дейін Bloomberg Еуропалық Одақ экономикалық мәселелерге байланысты Украинаға 9 млрд доллардың орнына тек 1 млрд доллар жіберетінін хабарлаған болатын.
Табиғат Нұрболат
