Батыс Қазақстан облысында қоғамдық орындарға заңсыз жазу мен граффити салған 15 азамат әкімшілік жауапкершілікке тартылды, деп хабарлайды inbusiness.kz сайты.
Жыл басынан бері өңірде заңсыз жазулар мен суреттер салудың бірнеше фактісі анықталған. Оның ішінде 7 адамға әкімшілік айыппұл салынса, 8 азамат әкімшілік қамауға алынған.
Полиция мәліметінше, кінәлі азаматтар өздері салған жазуларды тазалап, орындарды бастапқы қалпына келтірген.
Қазір заңсыз жазулар анықталған орындар тазартылып жатыр. Бұл жұмыстарға полиция қызметкерлерімен қатар еріктілер мен жастар да қатысуда.
Жыл басынан бері облыста 50-ден астам орыннан заңсыз жазулар жойылған. Жұмыстар "Таза Қазақстан" жобасы аясында жүргізілуде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
