Ауру облыстың барлық аудандарында анықталуда, бірақ ең көп жағдайлар Орал қаласында (136 жағ.), Бөрлі ауданында (31 жағ.), Сырым (19 жағ.) аудандарында тіркелуде.
Ауырғандардың арасында 94% әр түрлі себептермен екпе алмағандар, себептер әртүрлі, негізінен бұлар екпеден бас тарту (34,9%), медициналық кейінге шегеру (18,3%), екпе алу жасына жетпеу (13,4%).
Қызылшаны емдеудің арнайы және тиімді емі жоқ. Қызылшадан қорғанудың жалғыз тиімді жолы – вакцинация.
Ұлттық егу күнтізбесіне сәйкес 1 жасқа дейінгі 9255 бала және 6 жастағы 9744 бала жоспарлы вакцинация алды. Вакцинация үшін қызылшаға қарсы тиімді әрі қауіпсіз, қызамыққа және паротитке қарсы компоненттері бар вакцина (ҚҚП) қолданылады.
Батыс Қазақстан облысында 7 қарашада қызылшаға қарсы қосымша жаппай иммундау басталды. Вакцинацияны 6 айдан бастап 11 айға дейінгі балалар, 2, 3, 4 жастағы балалар алады. Сондай-ақ вакцинация мәртебесі белгісіз адамдар үшін толықтыра вакцинациялау жүргізіледі.
Қызылша мен қызамықты емдеуге арнайы дәрі-дәрмек жоқ, сондықтан екпе ғана сізді және балаңызды осы инфекциялардан қорғай алатынын біле жүріңіз, делінген хабарламада.
