Батыс Қазақстан облысында жанжал соңы қайғылы оқиғамен аяқталды, деп хабарлайды inbusiness.kz сайты "Мой город" порталына сілтеме жасап.
Басылымның жазуынша, қайғылы жағдай 17 қарашаға қараған түні Тасқала ауданында болған. Облыстық прокуратура ер адамдар арасында басталған ауызша жанжал төбелеске ұласқанын хабарлады. Салдарынан ауыр дене жарақат алған ер адамның біреуі ауруханада көз жұмған.
Бүгінде күдікті ұсталып, уақытша ұстау изоляторына қамалды. Ол бұрынғы полиция қызметкері болып шықты. Ер адам бұрын теріс себептермен ішкі істер органдарынан шығарылған көрінеді.
Қылмыстық Кодекстің "Адам өлтіру" бабы бойынша сотқа дейінгі тергеу басталды. Экс-полицейдің ішкі істер органдарынан қашан босатылғаны белгісіз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
