Батыс Қазақстан облысында 10-нан астам ауыл жарықсыз қалды, деп хабарлдайды inbusiness.kz сайты.
БҚО ТЖ департаментінің баспасөз қызметінен мәлім еткеніндей, 7 ақпан күні сағат 02.30-да Теректі ауданы әкімдігінен 12 елді мекенде апаттық жағдайда электр желісінен ажыратылғаны жөнінде хабар түскен.
"Теректі ауданында барлығы 1 160 абонент жарықсыз қалды. Қазіргі кезде "Батыс Қазақстан электр желілерін тарату компаниясы" ЖШС күшімен (14 адам, 9 техника) қалпына келтіру жұмыстары жүргізілуде", - деп хабарлады ведомстводан.
Өңірде боран мен күшті желге байланысты электр желісі үзіліп, жол қатынасы қиындағаны жөнінде басқа да аудандар тұрғындарынан хабарлар түсіп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
