Баянауыл курорттық аймағы Туристік картаның басымдықты жобаларының үздік ондығына енгізілді. Соңғы 2 жылдың ішінде курорттық аймақты дамытуға 20 миллиард теңгеге жуық қаржы құйылған, деп хабарлайды ortcom.kz.
"Жасыбай, Сабындыкөл және Торайғыр көлдерінің жағажайлары абаттандырылды, автожолдар жөндеуден өтті, ұзындығы 1200 метр ұшу-қону жолағы бар кіші авиация аэродромы және 2 вертолет алаңы салынды. Баянауыл ауылында су құбырын тарту жұмыстары аяқталып жатыр. Келесі жылы Жасыбай көліне дейін электр сымдары желісін, сумен қамту құбырларын тарту жұмыстары жоспарланып отыр", - деп мәлімдеді Павлодар облысының әкімі Болат Бақауов.
Айта кетсек, қазіргі кезде Баянауылда жыл сайын 200 мыңға жуық туристер демалады. Баянауылда жыл бойына демалу үшін Мырзашоқы тауының беткейінде тау-шаңғы кешені іске қосылмақ. Ал қазіргі таңда ұзындығы бір километр арқан жолы жұмыс істеп тұр.
