Алматы облысы Райымбек ауданындағы "Баянкөл" шекара бөлімінің атауы Қазақстанның Тұңғыш президенті Нұрсұлтан Назарбаевтың құрметіне өзгертілді, деп хабарлайды inbusiness.kz Интерфакс-Қазақстанға сілтеме жасап.
ҚР Премьер-министрі Асқар Мамин қол қойған тиісті қаулы "Әділет" нормативтік құқықтық актілердің ақпараттық -құқықтық жүйесінің сайтында орналастырылған.
"Қазақстан Республикасы Ұлттық қауіпсіздік комитеті Шекара қызметінің Алматы облысы бойынша департаменті" республикалық мемлекеттік мекемесінің Райымбек ауданы бойынша шекара басқармасы "Баянкөл" шекара бөлімін Қазақстан Республикасының Тұңғыш Президенті - Елбасы Нұрсұлтан Әбішұлы Назарбаев атындағы "Қазақстан Республикасы Ұлттық Қауіпсіздік Комитеті Шекара қызметінің Алматы облысы бойынша департаменті" республикалық мемлекеттік мекемелерінің Райымбек ауданы бойынша шекара басқармасы атауына өзгертілді", - деп жазылған үкіметтің қаулысында.
Қаулы алғашқы ресми жарияланған күннен бастап күшіне енеді.
