Британдық BBC хабар тарату корпорациясы Twitter-мен "үкімет қаржыландыратын БАҚ" белгісін алып тастау мәселесін "мүмкіндігінше тезірек" шешу үшін келіссөздер жүргізуде, деп хабарлайды inbusiness.kz.
Америкалық CNN хабарлағандай, 2,2 миллион оқырманы бар BBC-дің Twitter-дегі аккаунты қазір "үкімет қаржыландыратын БАҚ" ретінде белгіленген. Алайда мұндай белгі басқа BBC-дің Twitter аккаунттарына, соның ішінде BBC News (World) (39,7 миллион оқырман) және BBC Breaking News-ке (51,6 миллион оқырман) берілмеген.
Twitter мемлекеттік БАҚ-ты "мемлекет қаржылық ресурстар, тікелей немесе жанама саяси қысым және/немесе өндіріс пен таратуды қадағалау арқылы редакция қызметін бақылауды жүзеге асыратын" БАҚ ретінде анықтайды.
"Біз бұл мәселені мүмкіндігінше тезірек шешу үшін Twitter-мен келіссөздер жүргізіп жатырмыз. BBC тәуелсіз арна және сондай болып қала береді. Бізді Британдық жұртшылық лицензиялық алым арқылы қаржыландырады", - деп түсіндірді BBC-де.
EADaily мұндай мәлімдемен келісе қоймайтынын айтты, өйткені бұрын британдық СІМ BBC-ге "ағылшын тіліндегі хабар таратуды қолдау" және "жалған ақпаратқа қарсы тұру" үшін 20 миллион фунт стерлинг бөлгенін хабарлады. Мұндай шешім өткен жылғы оқиғалар, атап айтқанда Украинадағы қақтығыстар аясында қабылданды деп айтылды.
