Айта кетерлігі, 100,5 мың сәби – өткен жылдың бірінші тоқсанындағы көрсеткіштен 8,4% артық. Салыстырып қарар болсақ, 2020 жылдың алғашқы тоқсанында Қазақстанда 92,7 мың сәби өмірге келген болатын. Ал 2020 жылдың осы көрсеткіші 2019 жылғы көрсеткіштен бар-жоғы 0,8% артық еді (2019 жылдың бірінші тоқсанында – 91,9 мың сәби).
"Жалпы елдегі "беби-бум" үрдісі қатарынан үшінші тоқсан жалғасып келе жатқанын атап өту керек. 2020 жылдың үшінші тоқсанында елде 116,7 мың сәби өмірге келген. Бұл – бір жыл бұрынғы тиісті кезеңінің көрсеткішінен 8,4% артық. Мұндай үрдіс 2020 жылдың төртінші тоқсанында да жалғасып, 111,7 мың сәби өмір есігін ашты (+9,5%)", - делінген зерттеуде.
Жалпы 2020 жылы елде 425 мың сәби туған. Бұл – 2019 жылғы көрсеткіштен 6 пайызға артық. Қазақстан халқының саны осы жылдың алғашқы тоқсанында 18,94 млн адамға жетті.
Аян Бекенұлы
