Ресми сайттың басты бетінде Кеңестің құрылу тарихы мен оның негізін қалаған мемлекеттер туралы толық мәлімет берілген, деп жазады inbusiness.kz сайты.
Сонымен қатар ұйым қызметінің негізгі қағидаттары таныстырылып, стратегиялық мақсаттары мен басым бағыттары айқын көрсетілген. Сайтта Кеңестің ресми Хартиясы жарияланған. Бұл құжатта ұйымның миссиясы, халықаралық құқыққа сүйенетін ұстанымдары, бейбіт бастамаларды жүзеге асыру тетіктері және мүше мемлекеттердің өзара іс-қимыл тәртібі қамтылған.
Бұдан бөлек, Таяу Шығыстағы ахуалды тұрақтандыруға бағытталған Газа бойынша бейбітшілік жоспары ұсынылған. Жоспарда қақтығысты тоқтату, гуманитарлық көмекті жеткізу, бейбіт келіссөздер жүргізу және өңірдегі ұзақ мерзімді тұрақтылықты қамтамасыз ету жолдары қарастырылған.
Порталда сондай-ақ:
- өткен кездесулер мен саммиттер туралы мәліметтер;
- қабылданған қарарлар мен ресми құжаттар;
- халықаралық әріптестік аясындағы бастамалар;
- алдағы іс-шаралар жөніндегі ақпарат жарияланған.
Жаңа сайт Кеңестің ашықтық қағидатын ұстанатынын және халықаралық қоғамдастықпен тұрақты диалог орнатуға мүдделі екенін көрсетеді.
Ресурс сарапшыларға, саясаткерлерге және бейбітшілік мәселесіне қызығушылық танытатын барлық оқырманға арналған ақпараттық алаң ретінде қызмет етпек.
