Фастфуд орталықтың қожайыны сотталуы мүмкін, - деп хабарлайды inbusiness.kz 24.kz телеарнасына сілтеме жасап.
"Қазір асханадағы тамақ құрамы лабораториялық тексеріске жіберілді. Сот-медициналық сараптама қорытындысы шыққан соң, процессуалдық шешім қабылданады", - дейді полицейлер.
Еске сала кетсек, Бейнеу ауылында тапсырыспен пицца, суши алдырған 37 адам ұшынған. Қазір аудандық ауруханада 27 адам емделіп жатыр. Олардың жағдайы бірқалыпты. Арасында жүкті әйелдер мен балалар бар.
"ҚР қылмыстық Кодексінің 304-бабының 1-бөлігімен тіркелді, яғни санитариялық қағидаларды немесе гигиеналық нормативтерді бұзу дерегімен қылмыстық іс тіркелді. Үлгілерге байланысты қорытындылар әлі күтілуде. Қылмыстық іс жалғасуда. Басқа мәліметтер қылмыстық-процессуалдық кодекстің 201-бабына сай жарияланбайды", - деп мәлімдеді ПД тергеу басқармасының бөлім бастығы Айболат Мұрзашев.
