Қытай ядролық қару жасауға қолданылуы мүмкін тауарларды Солтүстік Кореяға экспорттауды доғарады. Бұл туралы елдің сауда министрлігі хабарлады, деп жазады 24.kz.
Тыйым салынған тауардың тізіміне 32 зат ілінген. Олар бейбіт және соғыс мақсатында қолданыла береді. Басым бөлігі технологиялар мен жаппай қырып-жою қаруын жасауға қолданылуы мүмкін электронды тауарлар.
Бейжің мұндай қадамға Біріккен Ұлттар Ұйымының 2017 жылдың қыркүйегінде қабылдаған қарарын орындау мақсатында барған. Бұған дейін халықаралық ұйым Пхеньянның зымыран сынақтарына қарсы бұл елге салынған санкцияларды күшейткен еді. Нәтижесінде Солтүстік Кореяға экспортталатын мұнай көлемі 85 пайызға азайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
