Осы аптада ҚХР билігі Тайваньға қару-жарақ жеткізетін адамдар мен компанияларға санкциялар енгізілгенін хабарлады, деп жазады inbusiness.kz сайты.
Ресми Бейжің санкцияға алғашқылар қатарында АҚШ-тағы үш компания мен он америкалық азамат ілінетінін мәлімдеді.
Сонымен қатар Еуропалық Одақтың қытайлық электромобильдерге тосқауыл болатын баж салығын енгізу туралы шешіміне жауап ретінде Қытай үлкен көлемді қозғалтқыштары бар еуропалық автомобильдердің импортына, сондай-ақ Еуропалық алкогольдің импортына баж салығының өскенін жариялады.
Енгізілген тарифтердің мақсаты – қытайлық компаниялардың құқықтарын қорғау және ЕО-ға қысым жасау. Бұдан бірінші кезекте 2022 жылы Қытайға көлемі 2,5 литрден асатын қозғалтқышы бар, 1,2 миллиард доллар сомаға көлік экспорттаған неміс автомобиль өндірушілері қатты зардап шегеді.
Санкция қысымы машиналармен шектелмейді. Барлық импорттың 99%-ы Қытайға тиесілі француз алкоголь өндірушілеріне зиян келтіру үшін 11 қазаннан бастап ЕО өндірушілері тауар құнының 39%-на дейін депозитті бірден төлеуге мәжбүр болады.
