Бейжіңдегі (Қытай) WTA-1000 санатындағы турнирдің үшінші айналымында әлемнің 60-шы ракеткасы - ресейлік теннисші Мирра Андреева әлемнің бесінші ракеткасы Елена Рыбакинадан жеңіліп қалды.
Кездесу 2:6, 6:4, 6:1 есебімен қазақстандық спортшының пайдасына шешілді.
Ойын 1 сағат 51 минутқа созылды. Рыбакина бұл кездесуде он рет эйс жасап, екі қос қателікке жол берді және орындаған бес брейк-пойнттың төртеуін сәтті жүзеге асырды. Андрееваның есебінде екі эйс, екі қос қателік және сәтті жүзеге асырылған үш брейк-пойнт бар.
Бейжіңдегі жарыстың келесі кезеңінде Елена Рыбакина Арина Соболенко (Беларусь) – Ясмина Паолинидің (Италия) бірімен ойнайтын болады. Қытайдағы турнир 8 қазанға дейін жалғасады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
