/img/tv1.svg
RU KZ
Hang Seng 23 372,43 KASE 2 155,58
РТС 955,34 FTSE 100 5 510,33
DOW J 21 641,19 Өнеркәсібі 1 552,50
BEK AIR әуе компаниясы ұшқыштарына жалған сертификаттар беріп келген

BEK AIR әуе компаниясы ұшқыштарына жалған сертификаттар беріп келген

Әуе компаниясы  6 айда олқылықтарды жоймаса,  ұшуға жарамдылық сертификаттары кері қайтарылып алынады.  

26 Ақпан 2020 21:36 157

BEK AIR әуе компаниясы ұшқыштарына жалған сертификаттар беріп келген

Ал атышулы «Бек Эйр» компаниясының өз ұшқыштарына жалған сертификат беріп келгені анықталды, деп хабарлайды Atameken Business.

Әуе тасымалдаушысының қулықтары бүгін жаппай әшкере болды.  Қазақстанның авиациялық әкімшілігі жүргізген жоспардан тыс тексерудің нәтижесінде мекеме басшылығы пилоттарға қауіпті жүктерді тасымалдау бойынша қайта оқыту курсын аяқтағаны туралы ресми сертификаттар берген. Алайда олар сабақ және сынақ уақытында елдің басқа өңірлерінде ұшу тапсырмасында жүрген.

Бұған қоса, Бек эйрдің екі ұшқышы Латвияда оқу орталығында Фоккер 70-100 әуе кемесін басқару бойынша сынақтан өтпей қалған. Оған қоса, әуе компаниясы авиациялық қозғалтқыштардың жағдайын бақыламаған. Енді аталған мекемеге жарты жыл уақыт беріліп отыр.

inbusiness.kz-ті қараңыз, оқыңыз :

Апатқа ұшыраған Bek Air ұшағының екінші ұшқышы қайтыс болды

 2019 жылдың 27 желтоқсанында Алматыдан Нұр-Сұлтан қаласына ұшып шыққан 93 жолаушы және 5 экипаж мүшесі мінген ұшақ апатқа ұшыраған болатын.  

28 Қаңтар 2020 22:05 174

Апатқа ұшыраған Bek Air ұшағының екінші ұшқышы қайтыс болды

Алматы маңында ұшақ апатынан жарақат алған екінші ұшқыш қайтыс болды, деп хабарлайды ҚазАқпарат.

Бұл ақпаратты Алматы әкімдігінің баспасөз қызметі растады.

Қалалық Қоғамдық денсаулық сақтау басқармасы баспасөз қызметінің мәлімдеуінше, пилот 21 қаңтарда №4 қалалық клиникалық ауруханадан емханада амбулаториялық емделуге жағдайы тұрақты күйде үйіне шығарылған.

«Емханада кардиолог, хирург, терапевт, психологтардың қарауында болған. Бүгін сағат 18.00-да Жедел жәрдем қызметіне оның жағдайы кенет нашарлап кеткені жөнінде шақырту түскен. Жедел жәрдем дер кезінде келді, жүрек қызметін қалпына келтіру жөніндегі барлық реанимациялық іс-шаралар жасалды, алайда оның барлығы нәтижесіз болды», – деп мәлім етті басқарма өкілі.

Әуе кемесінің командирі 57 жастағы Марат Мұратбаев оқиға орнында қаза болды. Ал екінші ұшқыш Миржан Молдақұлов ауыр жарақат алды, оның омыртқасына күрделі ота жасалған еді. Қазіргі мәлімет бойынша пилот үйінде көз жұмған. Марқұмды ауруханадан 21 қаңтар күні шығарған. Ұшқыш өлімінің себеп-салдары белгісіз.

 

BEK AIR ұшағының апатқа ұшырау себебінің басты нұсқасы аталды

12 адамның өмірін қиған Алматы маңындағы ұшақ апатының негізгі себебі белгілі болды.  

10 Қаңтар 2020 22:05 436

BEK AIR ұшағының апатқа ұшырау себебінің басты нұсқасы аталды

Қайғылы жағдайдың себебін зерттеген арнайы комиссияның тұжырымын вице-премьер Роман Скляр жария етті, деп хабарлайды Atameken Business.

Мамандардың пайымынша, Фоккер-100-дің құлауына ұшақ сыртындағы мұздың қатып қалуы ықпал етуі мүмкін. Ықтмал деген бұдан өзге тағы 3 себеп айтылды.  

Жаңалықтарға жазылу: