Жайық-Каспий бассейнінде бекіре тұқымдас және басқа да балықтар түрлерін сақтау шараларын күшейтуге бағытталған "БЕКІРЕ-2017" кең ауқымды балық қорғау акциясы жалғасуда. Бұл туралы ҚР АШМ баспасөз қызметі хабарлайды.
Балық қорғау акциясы барысында заң бұзушылардан 60 тонна 342 кг астам балық, оның ішінде 1924,5 кг – бекіре тұқымдас балық, 11 кг – бекіре тұқымдас балықтар түрлерінің уылдырығы тәркіленді, 2885 бірлік аулау құралы мен 132 жүзу және көлік құралы алынды.
Браконьерлік фактілеріне қарсы әрекет ету мақсатында Жайық-Каспий бассейнінде Жайық, Қиғаш өзендері және Каспий теңізінің солтүстік жағалауы бойынша жоспарлы рейдтік іс-шаралар жүргізілуде. Балық ресурстарын қорғау жөніндегі іс-шараларды Атырау, Маңғыстау, Батыс Қазақстан облыстық аумақтық орман шаруашылығы және жануарлар дүниесі инспекциялары, "Ақжайық" МТР, Көліктік бақылау иснпекциялары, ішкі істер органдары мен ҚР ҰҚК шекара қызметі жүзеге асыруда.
