Беларусьте таяуда "талер" атты ұлттық криптовалюта шығарылды, деп хабарлайды naryk.kz.
Оны құрастырушылардың қатарында беларусьтік экономистер, IT мамандары, журналистер бар. Олардың айтуынша, талер елдің ұлттық валютасы беларусь рубліне ешқандай байланбаған.
Талерді құрудағы мақсат елге барынша мол инвестиция тарту мен шағын және орта бизнеске көмектесу.
Криптовалюта қазір қолданысқа еніп кетті. Оның негізінде арнайы криптоәмияндар да ашылды. Валютаны алдағы уақытта экономикаға тереңінен енгізу жоспарланып отыр.
Талердің негізін қалаушылардың айтуынша, ол алдағы уақытта инфляцияны төмендетуге мүмкіндік бермек.
Талер биткойнның баламасы негізінде жасалған. Валюта орталыққа бағынбайды. Оның біріңғай эмиссиялық орталығы да жоқ. Валютаның шығарылымы қатаң шектелген, тек 23,3 миллионы ғана шығарылады.
