/img/tv1.svg
RU KZ
Беларусь IT мамандары елдегі бассыздықты тоқтатуға үндеді

Беларусь IT мамандары елдегі бассыздықты тоқтатуға үндеді

Олар қайтадан сайлау өткізуді талап етуде.

13 Тамыз 2020 10:46 101

Беларусь IT мамандары елдегі бассыздықты тоқтатуға үндеді

Беларусьтегі 200-ден астам IT компанияның басшылары, инвесторлар мен осы саланың басқа өкілдері елдегі бассыздықты тоқтатуға үндеп, қамауға алынғандарды босатып, жаңа сайлау өткізуді талап етуде. Олардың бұл үндеуі dev.by сайтында жарияланды. 

Хатқа қол қойғандардың ойынша, сайлау әділ өтпеген. Олар қазіргі ахуал кез келген саналы адамға ұнамайтыны, жұмыс істеудің қиынға соғып жатқаны туралы жазған. 
«Біз саясат туралы білмесек те, технологиялық бизнес саласының сарапшыларымыз. Қазіргі жағдай технологиялық бизнестің дамуына кедергі болады. Стартаптар қорқыныш және зорлық-зомбылық бар жерде дамымайды. Ол үшін бостандық пен ашықтық керек», — деп жазылған хатта.
IT компанияның басшылары мен инвесторлардың пікірінше, жақын арада мамандар Беларусьтан басқа елдерге көше бастайды, сондай-ақ бұл сектордың дамуы тежеліп, оған құйылатын инвестиция көлемі азаяды. 
Олар мемлекеттік органдарға мынадай талап қойды:
– Зорлық-зомбылықты тоқтатып, үрей туғызатын атмосфераны жою;
– Қамауға алынған барлық адамдарды босату;
– Қайтадан әділ сайлау өткізу;
– Беларусь тұрғындарын ақпараттан көзінен айырмау.

Еске сала кетейік, Беларусь еліндегі ереуілдердің басталғанына осымен төрт күн болды. Бірқатар қаланың көшелеріне президент сайлауының қорытындысына наразы болғандар шығуда. Ресми мәлімет бойынша, қазіргі президент Александр Лукашенко дауыстың 80%-ын, ал оның басты қарсыласы Светлана Тихановская 10%-ын жинаған. Ереуілді басу үшін тәртіп сақшылар суатқыштар, резеңке оқ қолданған. Елдің ІІМ-нің дерегінше, алғашқы екі күнде 5000 адам қамауға алынды. 

Табиғат Нұрболат
Фото: liga.net

Лукашенко дауыстың 80,23%-ын жинады

Жергілікті құқық қорғаушы Минсктегі ереуіл салдарынан бір адам қаза тапты деп отыр. 

10 Тамыз 2020 12:37 304

Алдын ала қорытынды бойынша, Беларусьтың қазіргі президенті Александр Лукашенко президент сайлауында дауыстың 80,23%-ын жинап. Бұл туралы елдің Орталық сайлау комиссиясының басшысы Лидия Ермошина мәлім етті. 

Оның айтуынша, оны қолдап 4,6 миллион адам дауыс берген. Ескере кету, керек дауыс беруге 5,7 миллион адам қатысқан. Бұл жергілікті халықтың 84,23%-ы.
9 тамызда болған осы саяси додадан кейін кейбір белсенділер ел астанасы Минск қаласының көшесіне шығып, дауыс беру қорытындысына наразы екенін білдірмек болды. Жергілікті билік бұл шараны заңсыз наразылық акциясы деп таныды.

Ереуілшілер мен тәртіп сақшылары арасында қақтығыс болды. «Весна» құқық қорғау орталығының өкілі Валентин Стефановичтың айтуынша, салдарынан бір адам қайтыс болып, үш ереуілші жарақат алды. Әзірге елдің ІІМ бұл турал ресми түрде ақпарат жарияламады.

Табиғат Нұрболат

Беларусьте мерзімінен бұрын президент сайлауы басталды

8 тамызға дейін жалғасады.

04 Тамыз 2020 15:20 122

4 тамызда Беларусьте мерзімінен бұрынғы президент сайлауы басталды. 5500 сайлау бөлімшесі жұмыс істеп тұр. Бұл туралы жергілікті ақпарат құралдары хабарлап жатыр. 

Саяси дода 8 тамызға дейін жалғасады. Елдің орталық сайлау комитетінің мәліметінше, 6,8 миллион дауыс беруші тіркелген екен. Бұл жолы коронавирус пандемиясына байланысты әр бөлімшедегі бақылаушылардың саны 3-ке дейін қысқартылды, осыдан аспауы керек.Басқа елдердегі Беларусь азаматтары үшін 44 сайлау орыны ашылды. 

Биылғы саяси тартысқа түсетіндер: қазіргі президент Александр Лукашенко, «Говори правду» қоғамдық қозғалысы төрағаларының бірі Андрей Дмитриев, парламенттің төменгі палатасының бұрынғы депутаты Анна Канопацкая, саясаткер Светлана Тихановская мен «Белорусская социал-демократическая Грамада» партиясының төрағасы Сергей Черечень. 

2015 жылған болған соңғы президент сайлауында мерзімінен бұрын халықтың 36,05% дауыс берген болатын. Ол уақытта сайлауға тұрғындардың 86,22% келді. Оның 83,5% дауыстарын Александр Лукашенкоға берген еді.

Табиғат Нұрболат
Фото: vgr.by