/img/tv1.svg
RU KZ
Беларусь Президентінің сайлауына 5 бақылаушы жібереміз

Беларусь Президентінің сайлауына 5 бақылаушы жібереміз

9 тамызда Беларусь халқы Президентін сайлайды.

07 Тамыз 2020 13:13 172

Беларусь Президентінің сайлауына 5 бақылаушы жібереміз

Орталық сайлау комиссиясы Беларусьтегі Президент сайлауына Қазақстан атынан қатысатын бақылаушылардың санын бекітті.

«2020 жылдың 9 тамызында Беларусь Республикасы Президентінің сайлауы өтетіні белгілі. Орталық сайлау комиссиясы сайлауға баратын бақылаушылардың тізімін бекітті. Комисся тізімнен 5 кандидатты іріктеді», – деді Орталық сайлау комиссиясының  төрағасы Берік Имашев.

Есжан Ботақара

Фото: zautra.by

Аумақтық сайлау комиссияларына арыз түскен жоқ – ОСК төрағасы

Сайланған 17 депутаттың 5-і әйел адам. 

13 Тамыз 2020 17:33 180

Орталық сайлау комиссиясының төрағасы Берік Имашев бұл сайлау әйел адамдардың белсенділігімен ерекшеленгенін айтты. 

«Әйелдердің саяси белсенділігі артып келеді. Сайланған 17 депутаттың 5-і әйел адам болды. Бұл – сайлауға түскендердің 29,4%. 2014 және 2017 жылдардағы сайлауда бұл көрсеткіш тек 6% ғана құраған. 

«Сайлау туралы» Конституциялық заңның бұзылуы туралы аумақтық сайлау комиссияларына арыз түскен жоқ. Дауыс беру мен басқа да сайлау рәсімдері сайлау заңнамасының нормаларына сай өтті», – деді Берік Имашев.

Оның сөзінше, сайлау күні Орталық сайлау комиссиясының интернет-ресурсы арқылы таңдаушыларды тіркеуді және дауыс берудің алдын ала қорытындыларын шығаруды онлайн байқау сервисі жұмыс істеді. Осы арқылы сайлау процесінің ашықтығы мен жариялылығы қамтамасыз етілді.

«Дауыс беру рәсімін және сайлау қорытындысын шығаруды 242 жергілікті және 5 халықаралық байқаушы байқап отырды. Сайлау өңірлердегі санитарлық-эпидемиологиялық жағдайды ескере отырып, сайлау процесінің санитарлық қауіпсіздігін қамтамасыз ету жөніндегі барлық қажетті шараларды сақтай отырып өткізілді», – деді Берік Имашев.

Қанат Махамбет

Фото: dailynews.kz

Үміткерлер арасында 2 жұмыссыз және 4 сенатор бар

Сайлау комиссиялары 62 үміткерді тіркеді.  

13 Шілде 2020 18:23 158

2014 жылы сайланған сенат депутаттарының өкілеттік мерзімі биыл қазан айында аяқталады. Сәйкесінше 2020 жылғы 12 тамызда сенат депутаттарының сайлауы өтеді. Оған 17 өңірден бір-бір депутаттан сайланады.

Орталық сайлау комиссиясының төрағасы Берік Имашевтің айтуынша, үміткерлерің арасында 26 инженер, 20 экономист, 12 педагог, 10 заңгер, 10 аграрлық сала қызметкері, 4 дәрігер, 3 журналист, 1 саясаттанушы және 1 басқа мамандық иесі бар.

«Кандидаттар арасында 18 коммерциялық құрылым қызметкері, 23 мемлекеттік ұйым мен кәсіпорынның мемлекеттік қызметкері, 18 мемлекеттік қызметші, 9 қоғамдық ұйым өкілі және 2 жұмыссыз үміткер бар. Сонымен қатар қазіргі уақытта қызмет атқарып отырған 4 сенатор өз кандидатураларын ұсынды. Бүгінгі таңда сенат депутаттығына үміткерлерді тіркеу үдерісі жүріп жатыр. Тірке осы жылдың 23 шілдесіне дейін жалғасады. Қазірге дейін сайлау комиссиялары 62 үміткерді тіркеді», – деді Берік Имашев.

Қанат Махамбет