Бұл туралы Беларусь Мемлекеттік шекара комитетінің ресми өкілі Антон Бычковский мәлімдеді, деп жазады Inbusiness.kz сайты.
Оның айтуынша, Беларусь шекарашылары Житомир шекара отрядының жауапкершілік жолағында жедел іс-шараларды өткізу барысында қолдан жасалған жарылғыш құрылғыларды жасауға арналған компоненттері бар құпия қойманы (схрон) анықтады.
"2 килограмм иілгіш жарылғыш заттары бар контейнерлер, сақтандырғыштары бар атқарушы құрылғылар және оларға детонаторлар табылды", - деді Бычковский.
Ол шекара қызметінің органдары Қорғаныс министрлігімен өзара іс-қимыл жасай отырып, мемлекеттік шекараны қосымша жабу, әуе кеңістігін бақылауды күшейту және шекара маңындағы аумақта режимді сақтау жөніндегі іс-шаралар кешенін жүзеге асыратынын атап өтті. Украина шекарасындағы Беларусь Шекара қызметі күшейтілген режимде қызмет етеді.
"Шекара қауіпсіздігін қамтамасыз ету жөніндегі іс-қимылдар шекарадағы жағдайды ушықтыруға жол бермеуге және арандатушылықтардың алдын алуға бағытталған", - деп атап өтті ол.
