Камеруннің солтүстік батысындағы Баменда қаласында белгісіз біреулер 81 адамды ұрлап кетті, деп хабарлайды 24.kz.
Әскерилер жоғалғандарды іздестіруге кірісті. Ал қылмыстық іске қатысты жауапкершілікті ешбір ұйым әлі өз мойнына алған жоқ.
Жергілікті билік өңірде коменданттық сағат орнатты. Оқиға орын алған мекеме уақытша жабылды.
Айта кетейік, жуырда "Боко Харам" радикалды ұйымының мүшелері осы аймақта атыс ашып 15 адамды мерт қылып, 8 адамды тұтқынға алған. Сонымен қатар Гакара ауылында 30 баспананы өртеп жіберген болатын.
"Үмітімізді үзбейміз. Әскерилер жоғалғандарды табатынына сенемін. Барлық қауіпсіздік шаралар қолға алынды. Оқушылардың үйлеріне аман есен оралуы үшін бар күшімізді саламыз", - дейді Солтүстік-батыс аймағының губернаторы Адолфе Леле Лафрик.
