Алматыдағы Жетісу – 4 шағын ауданындағы ақша айырбастау пунктіне қарақшылық шабуыл жасалды, деп хабарлайды inbusiness.kz.
"Белгісіз біреулер валюта айырбастау пунктінен шығып бара жатқан ерлі-зайыптыларға шабуыл жасаған. Тонау кезінде олардың сөмкелері бос болған. Бірақ шабуылдаушы басқаша ойлады. Ол травматикалық тапаншадан ерлі-зайыптыларға оқ атқан. Абырой болғанда ер мен әйелдің өмірі мен денсаулығына ешқандай қауіп төнген жоқ. Ал бұл уақытта шабуылдаушыны арнайы тергеу-жедел тобы іздестірген. Күдікті Жамбыл облысының 40 жастағы тұрғыны болып шықты. Ол Жамбыл облысы ауылдарының бірінде ұсталды", – деді Әуезов аудандық Полиция басқармасының бастығы Ұлан Әбілқайыр.
Қазір ол Алматыға ауыстырылып, қамауға алынды. Қарақшылық шабуыл дерегі бойынша сотқа дейінгі тергеудің бірыңғай тізіліміне қылмыстық іс тіркелді. Тергеу жалғасуда.
