Шарықтап кеткен жанармай бағасына қатысты Мәжіліс депутаты осындай пайым айтты. Альберт Раудың мәліметінше, жыл басынан АИ-92 маркалы бензиннің құны Алматыда 150, Елордада - 170 теңгеге дейін, Ақтауда – 172, ал мұнайлы қала Атырауда 200 теңгеге дейін жеткен. Депутат бензин бағасының аспандауы тарифтердің, тауарлар мен қызметтердің құнын арттырып, қарапайым қазақстандықтардың қалтасына қосымша салмақ түсетінін атап өтті. Ал энергетика министрлігінің "Біз жанармай бағасын бақылай алмаймыз, оны нарық реттейді" деген түсініктемесін Рау мырза сылтау деп отыр. Сондықтан, депутат Үкіметтен бензин бағасын тұрақтандыру бойынша нақты шаралар қабылдауды талап етті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
