/img/tv1.svg
RU KZ
DOW J 25 077,04 FTSE 100 6 565,80
KASE 2 222,59 Hang Seng 26 109,93
РТС 1 299,69 Brent 49,81
Бердібек Сапарбаев жаңа қызметке тағайындалды

Бердібек Сапарбаев жаңа қызметке тағайындалды

Президент Қасым-Жомарт Тоқаевтің тиісті жарлығы шықты.

20 Тамыз 2019 11:04 382

Бердібек Сапарбаев жаңа қызметке тағайындалды

Бердібек Сапарбаев ҚР премьер-министрінің орынбасары қызметіне тағайындалды. Бұл туралы Ақорданың ресми сайтында жарияланды.

inbusiness.kz-ті қараңыз, оқыңыз :

«Қазақмыс» көпбалалы қызметкерлерін баспанамен қамтуды міндетіне алды

Компания олар үшін 120 пәтер сатып алады. Оның ішінде 46 отбасы қоныс тойды биыл тойлайтын болады.

25 Мамыр 2019 12:35 275

«Қазақмыс» көпбалалы қызметкерлерін баспанамен қамтуды міндетіне алды

ҚР еңбек және халықты әлеуметтік қорғау министрлігі, Қарағанды облысының әкімдігі және «Қазақмыс Холдинг» ЖШС арасында үшжақтық меморандум түзілді. Құжатқа министр Бердібек Сапарбаев, облыс әкімі Ерлан Қошанов және компанияның директорлар кеңесінің төрағасы Эдуард Огай қол қойды, деп хабарлады министрліктік баспасөз қызметі.

Құжатта көрсетілгендей, «Қазақмыс» компаниядағы көпбалалы қызметкерлер мен аз қамтылған қызметкерлерді, жас мамандарды тұрғын үймен қамтамасыз етуді міндетіне алады. Компания олар үшін 120 пәтер сатып алады. Оның ішінде 46 отбасы қоныс тойды биыл тойлайтын болады.

«Еліміздің Тұңғыш Президентінің тапсырмасы бойынша министрлік бизнес-қауымдастықпен және ірі кәсіпорындармен бірлесіп әлеуметтік жобаларды іске асыру бойынша жұмыс жүргізуде. Осылайша, 2018 жылы жалпы сомасы 90 млрд.теңгеге 700-ден астам меморандум жасалды. Жалпы, соңғы 10 жылда бизнес-құрылымдар әлеуметтік жауапкершілік аясында әлеуметтік жобаларға, демеушілік пен қайырымдылыққа 300 млрд. теңгеден астам қаражат бөлді», – деп атап өтті министр.

«Қазақмыс Холдингі» ЖШС директорлар кеңесінің төрағасы Эдуард Огай науқан атаулы және жүйелі түрде көрсетілетін әлеуметтік көмек болатынын хабарлады.

«Атап айтқанда, жаңа пәтерлерді тек Жезқазған қаласының тұрғындары ғана емес, сонымен қатар Сәтбаев, Балқаш және басқа да елдімекендерінде біздің кәсіпорындарда жұмыс істейтін қызметкерлер алады. Біздің тағы бір міндетіміз – қызметкерлеріміздің отбасыларына денсаулықтарын қалпына келтіруге, білім алуға жәрдемдесу», – деді Эдуард Огай.

Меморандумға қол қойылған соң 4-8 балалары бар 10 отбасыға пәтер кілттері табыс етілді.

Бердібек Сапарбаев АӘК-ке құжаттарды қабылдау барысымен танысты

Қоянды селолық округінің тұрғындарымен кездесті.

04 Сәуір 2019 13:00 355

Бердібек Сапарбаев АӘК-ке құжаттарды қабылдау барысымен танысты

Еңбек және халықты әлеуметтік қорғау министрі Бердібек Сапарбаев Ақмола облысы Целиноград ауданы, Қоянды селолық округінің тұрғындарымен кездесіп, жаңартылған форматтағы атаулы әлеуметтік көмекке  (АӘК) құжаттарды қабылдау барысымен танысты, деп хабарлайды ведомствоның баспасөз қызметі.

Ауыл тұрғындары алдында сөз сөйлеген ведомство басшысы әлеуметтік көмектің жаңа форматын енгізудің арқасында Қазақстанда АӘК алушылар саны 830 мың адамнан асады деп атап өтті, оның ішінде Целиноград ауданында олардың саны 12,3 мыңнан 17,6 мың адамға дейін артады.

Министр көпбалалы ауылдықтар мен жастарға жаңа бизнес идеяларды іске асыру үшін 505 мың теңге көлемінде 10 мың мемлекеттік грант ұсынылатынын атап өтті. Мүгедектігі бар 5 мыңға жуық адам мен көпбалалы аналар үшін жеке ісін ашуға 6,5 млн.теңгеге дейін жеңілдікті микрокредит беру жоспарлануда.

Сонымен қатар, елордада Бердібек Сапарбаев Сарыарқа ауданының халыққа қызмет көрсету орталығында АӘК-ке өтініштерді қабылдау барысымен танысты. Ол 1 сәуірден бастап әлеуметтік көмекті тағайындау үшін жеке куәлік пен тиісті өтініш беру жеткілікті екенін тағы бір мәрте құжаттарды қабылдайтын қызметкерлердің назарына салды.

«Байқоңыр» ауданы әкімдігіне барған кезде ведомство басшысы атаулы әлеуметтік көмекке өтініш беруге келген елорда тұрғындарымен кездесті, Министр аз қамтылған азаматтарға әлеуметтік қолдау көрсету шаралары бойынша түсініктеме берді және оларды қызықтыратын сұрақтарға жауап берді.

Айта кетсек, 1 сәуірден бастап АӘК көрсету мөлшері күнкөріс деңгейінің 50% - нан 70% - ға дейін көтеріліп, 20 789 теңгені құрады. Нәтижесінде жәрдемақы алушылар саны 571,6 мың адамнан 830 мың адамға дейін өседі. Бұл ретте, егер АӘК-тің орташа мөлшері отбасының әрбір мүшесіне бұрын 4 834 теңгені құраған болса, сәуір айынан бастап әр балаға 20 789 теңге төленеді.

Жаңалықтарға жазылу: